Latest Telugu movie HanuMan | Target Rs.150+ crore | HanuMan movie ke 10 lakh se jyada ticket sold
Namaskar family, HanuMan movie hal hi me release hui ek Telugu bhasa ki superhero drama movie hai. Iss movie ka intezaar besabri se sab ko tha, jab se iski teaser aur trailer youtube par aayi thi. Toh family, iska intezaar khatam kar diya gaya hai aur ab yah movie cinema hall me aa gayi hai.
HanuMan movie ko release hue kuch din ho gaye hai aur iski achi khasi reviews aur rating aa rahi hai. Toh chaliye aur bhi kuch jankariya jante hai iss movie ke bare me. Aur Ram Mandir Trust ko kitne daan me diye! chaliye jante hai.
HanuMan movie Cast
Iss movie ke mukhya role ko nibhane wale Hero Teja Sajja hai, jo ki iss movie me Hanumanthu ka kidar kar rahe hai. Inke sath me Amritha Aiyer, jo ki Meenakshi ki role kar rahi hai aur sath hi film me Hanumanthu ki lover bhi hai. Varalaxmi Sarathkumara ji, Anjamma bani hai jo ki Hanumanthu ki badi behen hai. Aur Vinay Rai, Michael bane hai. Raj Deepak Shetty, Gajapathi bane hai. Aise me aur bhi kuch patra hai.
Budget of HanuMan movie
Halaki iss movie ka budget jyada nahi hai phir bhi kisi bhi VFX wale movie ko kadi takkar dene ke liye kabil hai. Iss movie ko bannane me lagbhag Rs.25 crore rupaye ki lagat aayi hai. Iss wajah se ye film sarahaniya ban jati hai.
Jabki iss movie ki tulna Aadipurush se bhi ki jaa rahi thi. Kyuki Aadipurush ek mehngi budget ki film hone me bawajud bhi box office me kuch khas asar nahi dikha payi thi toh fir yah movie kaise karegi.
Telugu movie HanuMan movie ki kahani
Hanumanthu, jo ki apni badi behen ke sath, ek gaow Anjanadri me rehta hai. Jiski ek girlfriend bhi hai, uska naam Meenakshi hai. Meenakshi gaow ke mukhiya Gajapathi ke sath ek vivad me fasti hai uske sath hi Hanumanthu bhi aa jata hai. Issi samay me Hanumanthu ko ek anokha pathar milta hai. Iss pathar se usse kuch shaktiya bhi milti hai, jinke istemal se woh apna aur apne gaow ki raksha karta hai. Michael jo Hanumanthu ke raste ka kaata banta hai aur logo ko uske bare me badhkata hai. Aisi hai movie, ab puri movie toh dekhne ke baad hi aap logo ko pata chalegi ki kaise Hanumanthu ko mani mili aur wo kaise super-power se superhero bana!
HanuMan movie ki release date
Yah movie 12 January 2024 ko release ki gayi hai.
Running time of HanuMan
158 minutes
Language
Telugu
Worldwide collection of latest movie HanuMan
Iss movie ke toh bahut samay se sab wait kar rahe the. Ab yah movie release kar di gayi hai. Latest Telugu movie HanuMan jisse 12 jan ko theater me release kar diya gaya aur prasank dwara iss pasand bhi kiya jaa raha hai. Yah ek kam budget wala movie hone ke bawajud apne pahle din ki kamayi Rs.10 crore karti hai, jo ki bahut badi baat hai.
How many Tickets were sold?
Ab tak iss movie lagbhag 10,00,000+ tickets sold ho chuke hai. Jabki iss movie ko cinema hall me lage abhi 5 din hi hue hai. Isse yeh sabit hota hai ki log iss movie ko kitna pasand kar rahe hai.
Konse movie ko piche chhoda
Telugu bhaasha kee pauraanik superhero film HanuMan ne movie collection ke maamle mein Mahesh Babu ki sheersh movie Guntur Kaaram ko peechhe chhod diya hai. Guntur Kaaram ne release ke pahale din jo kamaee kee, usaka lagabhag paanchavaan hissa kholane ke baad ki. Chhota budget, koi bada actor nahin hone aur ek yuva nirdeshak hone ke baavajood, HanuMan ne sakaaraatmak word of mouth ke bal par saphalata haasil ki hai.
Ram mandir ko kitne diye daan me?
Movie ke producer aur director ne apne ek interview me bataya ki movie ke pahle din ki kamayi se unhone Rs.14 lakh Ram Mandir Trust, Ayodhya ko daan kiya.
OTT release date of HanuMan
Fans iss fantasy drama movie se itne excited hai ki ab unhe iss movie ki online streaming details bhi chahti hogi ki kab ye movie kis OTT platform par aayegi yaa unhe ab kitna intejaar karna hoga online ke liye. To bata doon ki film ke makers ne pahle hi bata diya tha ki iss movie ke online rights kisse dena hai. Promotion ke dauran hi HanuMan ke film makers ne ye bol diya tha ki cinema hall me lagne ke 2 mahine ke baad hi HanuMan ke streaming rights ko ZEE5 ko de diya jayega. Asha Karta hoon ke yah movie March me OTT platform par release kar di jayegi.
0 Comments