22 January 2024: Ayodhya Ram Mandir Pran Pratishtha Samaroh | Desh me Chutti

Ram Mandir Pran Pratishtha in Ayodhya: Kin States ne kiya Holiday ka elaan

Namaste family, jaisa ke aaplog sabhi jante hai ki 22 january 2024 ko Ayodhya Ram mandir me Ram Lalla ki Pran Pratishtha hone jaa rahi hai. Issi samaroh aur utsav ko manane ke liye kae states ne full day aur half day holiday declare kiya hai.

Ram mandir Pran pratishtha hinduon ke liye ek bada din banne jaa raha hai. Jisse pure desh me manaya jaa raha hai. Iski taiyari ek hafte se chal rahi hai.

Toh chaliye jante hai ki Ram mandir, Ayodhya ke Pran Pratishtha samaroh ke din kin kin states me central government aur state government ne chutti di hai.

22nd january holiday in India by Central Goverment:

Department of Personnel and Training ne Thursday ko hi ye announce kar diya tha ki jitne bhi govt. central offices hai 22nd january, Monday ko Ram Lalla ki pran pratishtha, Ayodhya Ram mandir me hone jaa rahi hai, uske uplakshya me half day ki chutti rahegi.

Ek sarkari memo ke anusaar ye keh diya gaya hai ki Ayodhya ke Ram mandir me Ram lalla ke Pran pratishtha ke din uss utsav ko sabhi kendriya ke employees isse ache se mana sake uske uplaksh me jitne bhi sarkari offices, institutions aur industries hai Bharat me sabhi jagaho par aadhe din ki chutti dopehar 2:30 baje tak rahegi.

January 22nd, holiday in India by State Governments:

Tripura: Tripura ke Deputy Secretary, Asim Sahai ke order me ye likha hai ki sabhi sarkari offices aur institutes 22 january ko half day dopeher 2:30 baje tak band rahenge, taki sabhi employees Ram lalla Pran pratistha ke celebration ko mana sake.

Chattishgarh: Pran pratistha ceremony ko manane ke liye Chattishgarh ke sarkar ne bhi aadhe din dopeher 2:30 baje tak holiday ke elan kar diya hai.

Uttar Pradesh: Uttar pradesh ke sarkar ne pure din ki chutti ki ghoshna kar di hai. Aur sath hi pure state ke liquor shop ko bhi band rakhne ka aadesh diya hai. Aur sabhi meat shops ko bhi band rakhne ke liye kaha hai.

Goa: Ayodhya ke Ram Janambhoomi Mandir me pran pratistha ke subh awasar par Goa ke govt. ne sabhi sarkari offices ke sath schools ki bhi holiday ki ghoshna kar di hai.

Madhya Pradesh: Madhya Pradesh ke sarkar ne bhi iss Ram lalla ke pran pratistha ke liye apne rajya me half day ki chutti di hai. Taki log iss ceremony ko ache se aur sabke sath manna sake. Yahan ki sarkar ne school aur college bhi band rakha hai. Pure state ko Dry state rakhne ke liye sabhi liquor or bhaang shops ko band rakhne ka aadesh diya hai.

Odisha: Monday, 22nd Jan,2024 ko Odisha government ne apne sabhi sarkari offices ko band rakhne ka order diya hai. Halaki yaha bhi Half day ki hi chutti ka order diya hai.

Haryana: Haryana govt. ne sabhi schools ki chutti ka eilan kiya hai aur sath hi liquor shops ko band rakhne ke bhi aadesh diya hai.

Assam: Sabhi sarkari offices aur educational institutes ko half day holiday ka order diya hai.

Rajasthan:  Ram temple consecration ceremony ke din Rajasthan sarkar ne aade din ki chutti declare kiya hai.

Gujarat: Monday January 22 ko Ram mandir ka consecration ceremony ke uplaksha me Gujarat ke sarkar ne bhi aade din ki chutti declare ki hai.

Chandigarh: Ayodhya ke Ram mandir ke pran pratistha ke ceremony ke liye yahan ki sarkar ne bhi half day ki chutti declare ki hai.

Uttarakhand: Yahan ke bhi sarkar ne aadhe din ki chutti ki manjuri di hai. Isse logo me khas kar utsav ka mahol bana hua hai aur sabhi chahte hai ram mandir pran pratistha ke din ko ache se manane ke liye.

Maharashtra: Bhagwan Shri Ram ke Ayodhya mandir me Pran pratishtha ke liye Maharashtra sarkar me public holiday declare kiya hai.

Puducherry: Yahan ki sarkar ne bhi prabhu shri Ram ki pran pratistha ke liye public holiday ka declare kiya hai.

Delhi: Delhi sarkar ne bhi apne wahan aade din ki chutti di hai.

Sath hi sath yahan bhi 22 Jan ko Holidays rahegi:

Sabhi Regional rural banks (RRBs), Central government establishments, public sector banks, insurance companies, financial institutions ko January 22 ko Ayodhya mandir me Ram Lalla ke pran pratistha samaroh ko manane ke liye half day band rakha hai.

Sath hi rajya ki sarkarein public se ye anurodh kar rahi hai ki sabhi isse diwali Deeputsav jaise manaye. Aur Prabhu Shri Ram ka bhavya swagat karein.